Trafik i rënduar dhe radhë kilometrike janë krijuar këtë pasdite në autostradën Tiranë-Elbasan. Automjetet kanë mbetur pothuajse totalisht të bllokuara pa lëvizur prej më shumë se dy orësh.
Kolona e mjeteve me tre rreshta shtrihet nga dalja e tunelit deri pranë rrethrrotullimit të Bradasheshit. Kjo situatë ka krijuar vështirësi të mëdha për drejtuesit e mjeteve dhe udhëtarët.
Problemet nisën pak pas mesditës dhe u rënduan pas orës 15:00. Gazetari Shkëlzen Henkoja, i cili ndodhet në vendngjarje, ka raportuar për vështirësitë e krijuara.
Deri në këto momente nuk ka ende një informacion zyrtar mbi shkakun e bllokimit të aksit. Një burim përmend gjithashtu se moti i keq ka përkeqësuar lëvizjen gjatë minutave të fundit.