Një avion luftarak amerikan F-35 ka kryer ulje emergjente në një bazë ajrore amerikane në Lindjen e Mesme. Ngjarja ndodhi pasi dyshohet se avioni u godit nga zjarr iranian gjatë një misioni luftarak mbi Iran, sipas dy burimesh të njohura me çështjen, raporton CNN.
Kapiteni Tim Hawkins, zëdhënës i Komandës Qendrore të SHBA-së, deklaroi se avioni i gjeneratës së pestë u detyrua të ulej emergjentisht. "Avioni u ul në mënyrë të sigurt dhe piloti është në gjendje të qëndrueshme. Ky incident po hetohet", tha ai.
Nëse dyshimi konfirmohet, kjo do të ishte hera e parë që Irani godet një avion amerikan në konfliktin e nisur në fund të shkurtit. Si SHBA ashtu edhe Izraeli përdorin avionë F-35 në këtë luftë. Kostoja e një avioni të tillë i kalon 100 milionë dollarët.
Ngjarja vjen në një kohë kur zyrtarë të lartë amerikanë deklarojnë sukses në operacionet kundër Iranit. Sekretari i Mbrojtjes, Pete Hegseth, u shpreh se SHBA po fiton me vendosmëri dhe se mbrojtja ajrore iraniane është rrafshuar.
Përditësime
CENTCOM konfirmoi se avioni F-35 amerikan u godit nga zjarri iranian.
Garda e Revolucionit Iranian deklaroi se goditi avionin në orën 02:50 të enjtes me sisteme kundërajrore, duke shkaktuar dëmtime serioze dhe duke lënë fatin e tij të pasigurt (mundësi rrëzimi).
- Irani pretendon se ka neutralizuar një numër të madh dronësh.
- Ibrahim Zolfiqari, zëdhënës i Bazës Khatamul-Anbija, dhe gjenerali Seyed Majid Moosavi dhanë deklarata të reja mbi incidentin.
- Irani publikoi pamje video të pretenduara të rrëzimit.