Avokati Luka Mishetiq i ish-presidentit të Kosovës Hashim Thaçi ka kritikuar efikasitetin e Panelit të Apelit që funksionon brenda Dhomave të Specializuara në Hagë. Në një postim në platformën X ai ka deklaruar se mbrojtja ka dorëzuar 40 ankesa ndërmjetëse gjatë pesë vjetëve e gjysmë që Thaçi ndodhet në paraburgim, por Paneli i Apelit i ka refuzuar të gjitha.
Sipas Mishetiq, bilanci i ankesave është zero nga dyzet në favor të organeve të specializuara. Ai ka theksuar se kjo tregon mungesën e efektivitetit të mekanizmit të ankimit në këtë proces.
Zyrtarisht gjykimi ndaj Hashim Thaçit, Kadri Veselit, Jakup Krasniqit dhe Rexhep Selimit ka filluar më 3 prill 2023. Vendimi përfundimtar pritet të shpallet më 20 korrik 2026. Prokuroria e Dhomave të Specializuara ka kërkuar dënim me nga 45 vjet burgim për secilin prej të akuzuarve, kërkesë që mbrojtja e ka kundërshtuar.