Banka e Shqipërisë në Raportin Vjetor për vitin 2025 ngrit shqetësimin për emigrimin, duke e klasifikuar si rrezik që godet rritjen ekonomike dhe destabilizon sektorë të ndryshëm. Sipas raportit, pothuajse 40% e potencialit njerëzor ka zgjedhur të ndërtojë jetën jashtë kufijve, duke krijuar mungesa strukturore në tregun e punës.
Tregu i punës ndodhet në kushte të shtrënguara, ku bizneset hasin vështirësi për të gjetur krah pune. Kompanitë po rrisin pagat për të mbajtur stafin, por këto nuk janë konkurruese me ato në BE. Ekspertja e çështjeve sociale Eris Dhamo deklaroi se shqetësimi kryesor është efekti afatgjatë i emigrimit, pasi largohen të rinjtë e arsimuar dhe të kualifikuarit, të cilët nxisin zhvillimin ekonomik.
Ajo shtoi se politikat aktuale për rininë, si nismat, planet kombëtare dhe subvencione, nuk kanë dhënë rezultate të plota dhe kanë qenë të copëzuara. Për të mbajtur forcën e punës, nevojitet sigurimi i punësimit, strehimit dhe një jete dinjitoze.
Megjithatë, raporti paraqet ecuri pozitive të treguesve makroekonomikë. Banka e Shqipërisë parashikon rritje të punësimit, ulje të papunësisë dhe inflacion brenda objektivit prej 3%.