Bankat në Kosovë kanë aplikuar një rritje të tarifave për shërbimet e kryera fizikisht nëpër degët e tyre. Aktualisht, tarifa për pagesat në sportel është bërë 5 euro, duke shënuar dyfishim krahasuar me vitin e kaluar, kur kjo vlerë ishte 2.50 euro.
Kjo vendim ka ngjallur shqetësim te qytetarët, sidomos te pensionistët dhe personat që nuk kanë shkathtësi për t'i përdorur platformat e bankimit online. Në raste të dokumentuara, klientët janë përballur me një provizion prej 5 eurosh edhe për transaksione me vlerë nën 1 mijë euro.
Ndërkohë, bankat rekomandojnë përdorimin e aplikacioneve bankare, ku tarifat për kryerjen e pagesave janë dukshëm më të ulëta, ndërsa në disa raste ofrohen pa pagesë. Megjithatë, mungesa e edukimit financiar mbetet një sfidë në vend, ku sipas raportimeve, vetëm 20 për qind e popullsisë ka njohuri adekuate për këtë fushë, duke vështirësuar adaptimin e shtresave të ndryshme të shoqërisë ndaj shërbimeve digjitale.