Barcelona ka vendosur të aktivizojë opsionin e blerjes prej 30 milionë eurosh për ta mbajtur përhershëm sulmuesin Marcus Rashford, të huazuar nga Manchester United. Kjo sipas raportimeve nga mediat spanjolle, si Diario Sport.
Klubi katalanas pritet të ofrojë një kontratë trevjeçare për lojtarin 28-vjeçar, i cili ka dhënë kontribut të rëndësishëm këtë sezon. Rashford ka marrë pjesë direkte në 23 gola në 33 ndeshje në të gjitha garat, me 10 gola të realizuar dhe 13 asistime.
Huazimi i Rashford te Barcelona zgjat deri më 30 qershor, ndërsa ai ka kontratë me Manchester United deri në vitin 2028. Ky hap konfirmon rëndësinë e tij në projektin e skuadrës "blaugrana" dhe stabilizon sulmin për sezonet e ardhshme.