Bashkia e Tiranës ka hapur thirrjen për aplikime në fazën e parë të programit të kredive të buta për strehim. Aplikimet kryhen online në portalin qeveritar e-Albania, nga data 20 prill deri më 19 maj.
Programi synon të mbështesë individët dhe familjet në nevojë, duke përfshirë ata që:
• nuk kanë banesë në pronësi;
• jetojnë në shtëpi në rrezik shembjeje ose të mbipopulluara;
• kanë mbetur të pastrehë;
• humbasin banesën për shkak të zhvendosjes me vendim gjykate.
Kriter kryesor është mbushja e moshës 18 vjeç në momentin e aplikimit. Mund të aplikojnë gjithashtu:
• familjet njëprindërore me fëmijë në ngarkim;
• familjet me më shumë se 4 fëmijë;
• familjet e reja;
• personat me aftësi të kufizuara;
• jetimët;
• emigrantët e rikthyer;
• familjet e policëve të rënë në detyrë.
Vlera maksimale e kredisë varet nga përbërja familjare dhe lloji i banesës:
• 5.8 milionë lekë për individë që kërkojnë garsonierë;
• mbi 7.1 milionë lekë për familje me dy persona (apartament 1+1);
• mbi 10.5 milionë lekë për familje me 3-4 anëtarë (banesë 2+1);
• deri në 13 milionë lekë për familje me 5 ose më shumë anëtarë.
Bashkia e Tiranës njoftoi se faza e dytë, për dorëzimin e dokumentacionit, do të hapet më vonë. Qytetarët pa akses në sistemet elektronike mund të marrin asistencë pranë njësive administrative.
Përditësime
Bashkia e Tiranës pret që të paktën 1 500 individë dhe familje të përfitojnë nga kreditë e buta.
Nënkryetarja Vasilika Vjero shpjegoi kriteret: mosha, të ardhurat dhe struktura familjare.
Aplikantët paguajnë interes deri në 3%, ndërsa Bashkia mbulon pjesën tjetër, edhe në rast ndryshimesh të normave.
Niveli minimal i të ardhurave: 44 400 lekë (paga minimale, VKM).