Bashkimi Evropian njoftoi të enjten se do të ofrojë rreth 63 milionë euro (74.39 milionë dollarë) fonde humanitare për Somalinë.
Vendi afrikan është goditur nga luftimet midis forcave të armatosura somaleze dhe militantëve të Al-Shabab, si dhe nga thatësirat.
Sipas BE, kjo paketë financimi do t’i japë përparësi shërbimeve shëndetësore dhe të ushqyerjes që shpëtojnë jetë.
Me këtë ndihmë të re, BE ka arritur të ofrojë më shumë se 750 milionë euro ndihmë humanitare për Somalinë që nga viti 2017.
Programi Botëror i Ushqimit i Kombeve të Bashkuara njoftoi më herët në shkurt se ndihma e saj ushqimore dhe e të ushqyerit që shpëton jetë në Somali mund të përfundojë deri në prill, nëse nuk sigurohen fonde të reja.
BE nuk specifikoi kohën e dorëzimit të kësaj ndihme.