Analisti Baton Haxhiu foli në emisionin Të Paekspozuarit të MCN TV për tragjedinë në Durrës, ku humbën jetën dy fëmijë dhe u plagos një i tretë.
Haxhiu e lidhi ngjarjen me një kulturë komunikimi në rrugë me prapavijë shoqërore dhe psikologjike. Ai renditi katër arsye kryesore:
- E para: loja e fëmijëve në trotuar, që tregon mungesë hapësirash loje, infrastrukturë të dobët në lagje, mungesë vëmendjeje nga prindërit dhe shteti që nuk krijon kushte për fëmijët.
- E dyta: toleranca ndaj shkeljeve të Kodit Rrugor nga policia dhe arroganca e personave me automjete luksoze, çka sjell aksidente fatale.
- E treta: mungesa e ndërgjegjisë qytetare, që nuk respekton fëmijën, ligjin apo infrastrukturën, duke penguar funksionimin normal të shoqërisë.
- E katërta: reagimi publik me deklarata nga Presidenti, Kryeministri e të tjerë, por pa veprime konkrete; ngjarja përfundon me lajme, ngushëllime dhe debate televizive, pastaj harrohet.