Kombëtarja e Kosovës u mposht 1-0 nga Turqia në stadiumin Fadil Vokrri, duke humbur mundësinë për kualifikim në Botëror.
Kryetari i Partisë Demokratike të Kosovës, Bedri Hamza, u bën thirrje lojtarëve të mbajnë kokën lartë, duke i vlerësuar për shpirtin luftarak dhe përkushtimin në ngritjen e emrit të Kosovës në arenën ndërkombëtare.
Në një postim, ai shkruan: "Kokën lart, djema. Krenar pafundësisht me ju. Për shpirtin luftarak, përkushtimin dhe vetëmohimin që treguat për ta ngritur lart emrin e Kosovës. Ky nuk është fundi, por fillimi i rrugës së madhe që po ndërtoni. Kjo nuk është humbje, por një mësim që do t’ju bëjë më të fortë për sfidat që vijnë. Sonte nuk festuam rezultatin, por pamë shpirtin e një kombëtareje që nuk dorëzohet kurrë. Kosova ju do shumë dhe është me ju në çdo hap. Gjithmonë".