Kryetari i PDK-së dhe kandidati për kryeministër, Bedri Hamza, ka dalë në mbështetje të protestës që do të mbahet nesër në Shkup nga studentët shqiptarë.
Përmes një postimi në Facebook, Hamza ka deklaruar se zëri i studentëve shqiptarë është zëri i një brezi që kërkon respekt, barazi dhe dinjitet për identitetin kombëtar.
"Zëri i studentëve shqiptarë në Shkup nesër është zëri i një brezi që kërkon respekt, barazi dhe dinjitet për identitetin e vet kombëtar. Jam gjithmonë pranë çdo të riu shqiptar që ngrihet për të mbrojtur gjuhën, identitetin dhe të drejtat e tij. Jemi me ju!", ka shkruar Hamza.
Përditësime
Studentët shqiptarë në Shkup do të zhvillojnë protestën e tyre të dytë të hënën më 18 maj, pasi provimi i jurisprudencës nuk mbahet në gjuhën shqipe.