Partia Demokratike e Kosovës (PDK) shprehu solidaritet me studentët shqiptarë në Maqedonisë së Veriut, të cilët protestuan në Shkup për të drejtën e përdorimit të gjuhës shqipe në proceset arsimore dhe provimet profesionale, përfshirë provimin e jurisprudencës.
Në një komunikatë për media, PDK vlerësoi se e drejta për arsimim dhe vlerësim në gjuhën amtare është e garantuar nga korniza ligjore dhe kushtetuese e Maqedonisë së Veriut, si dhe nga standardet ndërkombëtare për të drejtat e njeriut.
Sipas partisë, cenimi i kësaj të drejte përbën shkelje të parimeve të barazisë dhe goditje ndaj dinjitetit njerëzor e identitetit kombëtar shqiptar.
PDK u bën thirrje institucioneve përgjegjëse në Maqedonisë së Veriut që të trajtojnë me seriozitet kërkesat e studentëve dhe të ndërmarrin hapat e nevojshëm për zbatimin e plotë të të drejtave të garantuara me ligj.
Partia konfirmon përkushtimin e saj në mbrojtjen dhe avancimin e të drejtave të shqiptarëve kudo që jetojnë.