Studentët shqiptarë në Maqedoninë e Veriut pritet të dalin në protestë më 18 maj për të kërkuar zhvillimin e provimit të jurisprudencës në gjuhën shqipe.
Presidentja e Kosovës Vjosa Osmani u shpreh nga Vitia se Kosova do të qëndrojë pranë tyre deri në fund. Ajo theksoi se mbështetja lidhet me të drejtat që janë fituar përmes proceseve ndërkombëtare dhe se Kosova nuk do të ndërhyjë në çështje partiake, por nuk do të lejojë cenimin e këtyre të drejtave.
Ministri i Administratës Publike në Mal të Zi, Marash Dukaj, deklaroi se studentët nuk kërkojnë privilegje, por zbatimin e një të drejte themelore për të studiuar dhe për t'u vlerësuar në gjuhën amtare. Ai shtoi se kjo e drejtë garantohet nga ligjet vendore dhe standardet ndërkombëtare dhe se shoqëritë demokratike maten nga respekti ndaj komuniteteve dhe barazia para ligjit.