Presidenti i Republikës së Shqipërisë, Bajram Begaj, ka përcjellë urimet e tij për Shtetet e Bashkuara të Amerikës me rastin e 250-vjetorit të Pavarësisë. Përmes një mesazhi zyrtar, kreu i shtetit shqiptar i ka shprehur urimet më të përzemërta Presidentit Donald Trump dhe popullit amerikan.
Në qëndrimin e tij, Presidenti Begaj theksoi se marrëdhëniet mes Shqipërisë dhe SHBA-së bazohen në një miqësi të qëndrueshme dhe në një partneritet strategjik, të ndërtuar mbi vlerat e përbashkëta të lirisë, demokracisë, paqes dhe prosperitetit.
Ai shprehu mirënjohjen e Shqipërisë për mbështetjen e vazhdueshme të Shteteve të Bashkuara, që nga njohja ndërkombëtare e shtetit shqiptar e deri te reformat kryesore të ndërmarra gjatë 35 viteve të fundit.
Përditësime
Presidenti Bajram Begaj përcolli urimin zyrtar për 250-vjetorin e pavarësisë së Shteteve të Bashkuara të Amerikës përmes një postimi në rrjetin social X. Kreu i shtetit shqiptar shkroi: "Gëzuar 4 Korrikun! Sot festojmë 250 vite liri dhe demokraci. SHBA mbetet aleati ynë më i palëkundur dhe një frymëzim për të gjithë ata që luftojnë për vlerat e përbashkëta."