Besimtarët bektashianë festojnë sot, më 22 mars, Ditën e Sulltan Novruzit, e njohur si ditëlindja e Imam Aliut. Kjo festë, me kuptimin "Dita e Re", lidhet me rigjallërimin e jetës, ardhjen e pranverës dhe fillimin e vitit të ri diellor.
Kryeministri Edi Rama uroi besimtarët me një mesazh nga Teqeja e Helvetive në Berat, ndër më të bukurat në Ballkan. "Mirëmëngjes dhe me urimin për Ditën e Sulltan Novruzit nga Teqeja e Helvetive, në Berat, ku qetësia e harmonia janë besim, ju uroj një të diel të paqtë", shkruan ai.
Origjina dhe domethënia
Festa ka rrënjë në Persinë e lashtë dhe u përhap në Shqipëri me bektashizmin në shekujt XIV. Imam Aliu, dhëndri i Profetit Muhamed dhe simbol i drejtësisë, lindi më 22 mars. Profeti Muhamed tha: "Unë jam qyteti i diturisë dhe Aliu është porta e tij". Poeti Naim Frashëri e përshkroi: "Sot është një ditë e re që përsëritet moti, lind Vera, lind ngrohtësia, lind Aliu, lind vet Zoti."
Ritet dhe zakone
Kremtimi fillon me higjienë personale, veshje pranverore dhe vendosje të një dege thane në prag dere. Besimtarët luten në teqe dhe, nëse bajnë kurban, vendosin një pikë gjak në ballë. Mbjellin grurë ose hanë ashure. Në tryezë nuk mungojnë:
- hudhër
- uthullë
- mollë
- hithër
- ashure
- qirinj
- Kur'an
- pasqyrë e vogël
- lulet natyrore
Ndonjëherë shtohet akuarium me peshk të kuq si fatmirës.
Ushqimet tradicionale
Bektashinjtë gatuajnë byrek me 12 lloje barishtesh dhe një monedhë; ai që e gjen ka fat për vitin. Gatuhet përshesh me pulë ose mish qengji. Ëmbëlsira është sultiashi me qumësht.
Përditësime
Festa quhet kombëtare.
Festohet më 21 mars në shumicën e vendeve dhe më 22 mars në Shqipëri.
Imam Aliu, figura qendrore, lindi në Ka'bah.
Ai konsiderohet i pari ndër dymbëdhjetë imamët dhe shenjtor i madh.
Në Kryegjyshatën Botërore të Bektashinjve, për festimet e Ditës së Sulltan Novruzit më 22 mars:
• Haxhi Dede Edmond Brahimaj drejtoi ceremoninë me mesazh për ndihmë dhe solidaritet.
• Presidenti Bajram Begaj vizitoi institucionin dhe uroi paqe, begati dhe vlerat e Imam Aliut.