Bilall Sherifi, zyrtar i Nismës Socialdemokrate, ka përcjellë një telegram ngushëllimi nga Jakup Krasniqi, i cili ndodhet në Hagë. Krasniqi e ka dhënë mesazhin përmes telefonit, duke ngarkuar Sherifin ta transmetojë në emër të atyre që mbahen prapa grilave në Hagë, me rastin e vdekjes së intelektualit dhe atdhetarit Rexhep Qosja.
Sherifi e ka postuar mesazhin në Facebook, duke theksuar se Krasniqi ka kërkuar ta përcillte atë drejtpërdrejt. Telegrami shpreh dhimbjen e thellë për humbjen dhe vlerëson jetën dhe veprën e Qosjes si dritë udhërrëfyese.
Teksti i plotë i telegramit:
Të nderuar familjarë të intelektualit dhe atdhetarit të shquar, z. Rexhep Qosja,
Të nderuar shqiptarë,
Me dhimbje të thellë morëm lajmin për ndarjen nga jeta të më të dashurit tuaj. Kjo humbje e rëndë na ka prekur thellë edhe neve, prandaj ndajmë me ju pikëllimin në këto çaste të vështira!
Jeta dhe vepra e tij do të mbeten dritë udhërrëfyese dhe kujtim i paharruar për të gjithë ata që e njohën dhe e çmuan. Ai do të jetojë përherë në kujtesën dhe respektin tonë dhe të kombit!
Edhe pse larg jush dhe të privuar nga liria prej vitesh, dhimbja juaj është edhe dhimbja jonë. Nga muret e heshtura të Hagës, ju dërgojmë përqafimet tona më të sinqerta dhe qëndrojmë pranë jush me zemër e shpirt!
Urojmë që të gjeni forcë në kujtimet dhe në dashurinë që ai la pas!
I përjetshëm qoftë kujtimi i tij.
Bashkudhëtarët e z. Rexhep Qosja në rrugëtimin për realizimin e aspiratave tona të ligjshme kombëtare.
Burgu i Hagës, më 23 prill 2026