Pas përplasjeve të ndodhura gjatë protestës para ndërtesës së Kuvendit, strukturat shëndetësore kanë raportuar se 17 persona janë paraqitur për ndihmë mjekësore. Incidentet kanë ndodhur pas tentativave të protestuesve për të çaluar kordonin e policisë në hyrje të institucionit, duke shkaktuar tensione të shtuara.
Sipas të dhënave zyrtare nga Ministria e Shëndetësisë dhe Mirëqenies Sociale, shpërndarja e pacientëve në dy qendrat spitalore është si më poshtë:
• Qendra Spitalore Universitare “Nënë Tereza” (QSUT): Janë paraqitur 10 protestues. Prej tyre, 3 persona janë larguar pas trajtimit, ndërsa 4 vijojnë të trajtohen në Urgjencë dhe 3 të tjerë në shërbimin e Toksikologjisë.
• Spitali Universitar i Traumës (SUT): Po trajtohen 6 efektivë të Policsë së Shtetit dhe 1 protestues.
Të gjithë personat e përfshirë ndodhen nën mbikëqyrjen e ekipeve mjekësore dhe gjendja e tyre paraqitet e stabilizuar, jashtë rrezikut për jetën. Përplasjet u shoqëruan me përdorimin e mjeteve shpërndarëse nga ana e policisë, ndërsa nga ana tjetër raportohet për përdorim të sendeve të forta nga protestuesit në drejtim të forcave të rendit.