Ministria e Shëndetësisë dhe Mirëqenies Sociale bëri të ditur se, pas protestës së Partisë Demokratike përpara Kryeministrisë më 10 shkurt 2026, në Spitalin Universitar të Traumës dhe Qendrën Spitalore Universitare "Nënë Tereza" u paraqitën 21 persona.
Në Urgjencën e Spitalit Universitar të Traumës u trajtuan 10 efektivë policie, deputeti B.N. dhe qytetari K.K.. Pas ndihmës mjekësore sipas protokolleve, 9 efektivë policie u larguan sipas këshillave mjekësore, ndërsa një efektiv u dërgua në QSUNT në Shërbimin e Toksikologjisë për probleme me frymëmarrjen. Deputeti B.N. u largua me këshilla mjekësore, kurse qytetari K.K. vazhdon trajtimin jashtë rrezikut për jetën.
Në Qendrën Spitalore Universitare "Nënë Tereza" u paraqitën 10 efektivë policie me probleme shëndetësore, kryesisht intoksikacione dhe djegie të gjymtyrëve. 7 prej tyre morën trajtim ambulator dhe u larguan, ndërsa 3 të tjerë u hospitalizuan për kujdes të mëtejshëm.
Stafi mjekësor i Urgjencës Polivalente dhe i Shërbimit të Djegie-Plastikës qe në gatishmëri të plotë për të ofruar kujdesin sipas protokolleve përkatëse.
Përditësime
Bledion Nallbati është emri i plotë i deputetit të njohur më parë si B.N. në raportimet pas protestës së PD-së.