Autoritetet e Maqedonisë së Veriut njoftuan për bllokim të përkohshëm të lëvizjes së mallrave në hyrje dhe dalje në pikat kufitare që lidhin Shqipërinë me këtë vend. Shkak është një protestë e planifikuar nga një shoqatë e transportit të mallrave në territorin maqedonas.
Bllokimi nis në orën 00:01 të datës 26 janar 2026 për hyrjen e mjeteve transportuese të mallrave në Maqedoninë e Veriut. Në orën 12:00 të së njëjtës date bllokohet edhe dalja nga territori i saj.
Nga kjo masë përjashtohen mjetet e tonazhit të rëndë që transportojnë medikamente mjekësore ose bagëti, të cilat lejohen të qarkullojnë normalisht. Lëvizja e automjeteve të udhëtarëve vazhdon pa kufizime.
Sipas njoftimit të Drejtoria Vendore e Kufirit dhe Migracionit Korçë, protesta mund të zgjasë deri në 7 ditë, nëse nuk zgjidhet problemi. Ky informacion u transmetua përmes Qendrës së Shkëmbimit të Informacionit nga autoritetet maqedonase.
Autoritetet shqiptare u bëjnë thirrje subjekteve të transportit dhe qytetarëve të njoftohen dhe të marrin masat e nevojshme për të shmangur vonesat.
Përditësime
Pasi në Mali i Zi, protesta ka bllokuar lëvizjen e mallrave në kufijtë me Maqedoninë e Veriut.
Në pikën kufitare Bllatë me Maqedoninë e Veriut, kufizimi përjashton automjetet e vogla, mjetet e emergjencës, autobusët dhe mjetet e transportit të pasagjerëve.