Qendra Kombëtare për Menaxhim Kufitar e Kosovës ka njoftuar se shoqata MAKAM-TRANS do të mbajë protestë më 26 janar 2026, duke filluar nga ora 12:00, në territorin e Maqedonisë së Veriut.
Si pasojë e protestës, do të mbyllet qarkullimi për transportuesit e mallrave në atë shtet. Kjo pritet të shkaktojë kolona të gjata kamionësh në kufirin me Kosovën, ku mjetet do të presin për të kaluar drejt Maqedonisë së Veriut.
Autoritetet kosovare u bëjnë thirrje transportuesve dhe operatorëve ekonomikë të planifikojnë lëvizjet me kohë për të shmangur vonesat. Protesta do të zhvillohet në kufirin me Kosovën, por brenda territorit maqedonas.