Drejtoria Vendore e Policisë Elbasan ka njoftuar bllokimin e plotë të qarkullimit në aksin rrugor Librazhd–Pogradec, deri në një njoftim të dytë. Ndalohet lëvizja e të gjitha mjeteve, përfshirë ato të tonazhit të rëndë, autobusët dhe mjetet e vogla.
Pikat kufitare do të njoftojnë dhe orientojnë drejtuesit e mjeteve që të mos vijojnë në këtë segment. Për mjetet e vogla është përcaktuar rruga alternative Maliq–Lozhan–Moglicë–Gramsh, në drejtim të Tiranës dhe anasjelltas.
Do të lejohen të kalojnë vetëm:
- Ambulancat;
- Shërbimet zjarrfikëse;
- Mjetet e policisë.
Shërbimet e policisë janë të pranishme në terren për monitorimin e situatës dhe orientimin e drejtuesve. Autoritetet apelojnë për mirëkuptim dhe respekt rigoroz të udhëzimeve.
Për çdo emergjencë, qytetarët mund të telefonojnë në numrin pa pagesë 112.
Përditësime
Shembja masive ndodhi në vendin ku ANK sh.p.k. po kryente punime në aksenin Librazhd-Hotolisht, të cilin e mirëmban dhe po e zgjeron si pjesë e Korridorit të Tetë.
Para shembjes, rrugën e mirëmbante 2T.
Prefektura e Qarkut Korçë dhe ARRSH Drejtoria Qëndër-Lindje kanë njoftuar vendosjen e shërbimeve të Policisë Rrugore në Kryqëzimin Qafë Thanë, Qafë Plloçë dhe Kryqëzimin e Maliqit.
- Devijimi në rrugën alternative Maliq–Lozhan–Moglicë–Gramsh lejohet vetëm për mjetet deri në 3.5 tonë.
- Mjetet e tonazhit të rëndë dhe autobusët ndalohen plotësisht, përfshirë rrugën alternative.
Raportime flasin për probleme në trafik, ankth te qytetarët dhe vështirësi në rrugët alternative si Gramsh.
Prefektura e Qarkut Korçë njofton bllokim total të aksit Librazhd-Përrenjas edhe për mjetet e emergjencës (ambulanca, zjarrfikëse dhe polici), në kundërshtim me lejen e mëparshme.