Mesditën e sotme, Bordi i Transparencës për karburantet pritet të mblidhet për të diskutuar çmimin e ri të naftës, i cili parashikohet të shkojë në 230 lekë/litër nga niveli aktual prej 218 lekë/litër.
Në bursën e Londrës, nafta e papërpunuar Brent tregtohet mesatarisht për 110 dollarë/fuçi, ndërsa në bursën Platts të Mesdheut, nafta e përpunuar kushton 1.420 dollarë/fuçi. Këto çmime ndikojnë drejtpërdrejt në vendosjen e çmimit vendor.
Sipas vendimit të qeverisë, kur çmimi i naftës kalon kufirin e 230 lekëve/litër, aktivizohet ulja me 20% e akcizës. Aktualisht, akciza pa TVSH është 39,4 lekë. Efekti i kësaj uljeje parashikohet të jetë rreth 8 lekë pa TVSH dhe 9,5 lekë duke përfshirë TVSH-në.