Bordi i Transparencës ka vendosur uljen e çmimeve tavan të shitjes së karburanteve në tregun vendas. Sipas njoftimit zyrtar, çmimi i ri i shitjes me pakicë për naftën e standardit SSH EN 590 është vendosur 180 lekë/litër, duke shënuar një ulje prej 3 lekësh. Ndërkohë, benzina e standardit SSH EN do të shitet me 168 lekë/litër, me një ulje prej 2 lekësh.
Sa i përket shitjes me shumicë, bordi ka përcaktuar çmimet kufi si vijon:
• Gazoil: 168 lekë/litër
• Benzinë: 156 lekë/litër
Çmimet e reja kanë hyrë në fuqi ditën e sotme, në orën 14:00, dhe do të mbeten në fuqi deri në mbledhjen e ardhshme të bordit. Ministria e Ekonomisë dhe Inovacionit, Ministria e Financave dhe Ministria e Infrastrukturës dhe Energjisë kanë paralajmëruar operatorët se çdo shkelje e konstatuar do të ndëshkohet me masa administrative, duke përfshirë pezullimin e aktivitetit.
Sipas sqarimit zyrtar, çmimet aktuale janë nën kufirin e përcaktuar nga Aktit Normativ nr. 1, datë 3.4.2026, për pasojë do të zbatohet niveli i plotë i akcizës prej 100%. Për gazoilin e përdorur në sektorin e peshkimit, çmimi është vendosur në 84 lekë/litër, referuar përjashtimeve ligjore për taksat kombëtare.