Bujar Pllana shpjegon zgjedhjen e Shqipërisë para sfidës me Poloninë

Bujar Pllana, qendërmbrojtës 24-vjeçar lindur në Mitrovicë dhe lojtar i Lechia Gdańsk në Poloni, u ftua për herë të parë në Kombëtarën Shqitare nga trajneri Sylvinho për ndeshjet e play-off-it të Botërorit 2026.

Ai ka luajtur shtatë ndeshje për grupmoshët e Kosovës, por nuk u thirr për ekipin A dhe vendosi të bashkohet me Shqipërinë pasi FIFA miratoi dokumentet e tij.

Në një intervistë për mediat polake pas golit të shënuar kundër Pogoń Szczecin, Pllana shpjegoi arsyen e zgjedhjes: "Nuk kam folur ende me Sylvinhon. Kisha kontakte vetëm me federatën pasi ata po më ndiqnin në ndeshjet e mëparshme. Ndoqa zemrën time. Ka qenë ëndrra ime që kur isha fëmijë. Unë jam rritur duke parë ekipin kombëtar të Shqipërisë. Tani jam i lumtur që bëhem pjesë e saj."

Sa i përket debutimit, Pllana tha se prioritet është të shkojë në kampin stërvitor dhe të tregojë më të mirën: "Gjëja më e rëndësishme është të shkoj në kampin stërvitor dhe të tregoj më të mirën. Më pas të shohim se çfarë do të ndodhë."

Për ndeshjen e parë të play-off-it kundër Polonisë më 26 mars në stadiumin PGE Narodowy të Varshavës, Pllana shprehu optimizëm: "Në futboll nuk i dihet kurrë çfarë mund të ndodhë. Po e shohim këtë sot në kampionatin polak, i cili është shumë interesant dhe çdokush mund të mposhtë këdo. Në futboll, nuk mund të supozosh që dikush është favorit. Çdo gjë është e mundur."

Ai vlerësoi kundërshtarin: "Keni një ekip të mirë dhe lojtarë të mirë, por edhe këtu është e njëjta gjë. Ne kemi lojtarë që luajnë në ligat më të mëdha." Pllana theksoi entuziazmin në Shqipëri: "Të gjithë janë entuziastë rreth kësaj ndeshje, shumë të fokusuar. E kuptojmë sa e rëndësishme është kjo ndeshje. Kualifikimi në Botëror do të ishte një ngjarje historike për ne. Jemi përmirësuar në vitet e fundit, siç e kemi parë në Kampionatin Europian. Po përmirësohemi me çdo ndeshje që luajmë."