Bujar Pllana është risia në listën e trajnerit Sylvinhos për ndeshjen e ardhshme të kombëtares shqiptare ndaj Polonisë në kuadër të "play-off".
Futbollisti 24-vjeçar, i lindur në Mitrovicë, shënoi një gol në ndeshjen e Lechia Gdansk kundër Pogon Szczecin, që u zhvillua në javën 26 të kampionatit polak elitar. Në minutën e 11-të, Pllana shfrytëzoi një krosim nga Ivan Zhelizko dhe dërgoi topin në rrjetë me një goditje me kokë, duke zhbllokuar rezultatin.
Ky është edicioni i dytë i Pllanës me Lechia Gdansk, ku ka luajtur 12 ndeshje këtë sezoni. Ai ka qenë pjesë e grupmoshave të kombëtares së Kosovës, por më pas vendosi të përfaqësojë Shqipërinë.
Pllana do të bashkohet me grupin e kombëtares duke filluar nga dita e hëna.