Kombëtarja shqiptare e futbollit zhvilloi sot seancën e dytë stërvitore në Shqipëri, në prag të ndeshjes ndaj Polonisë, e vlefshme për gjysmëfinalet e play-off të Botërorit 2026. Kjo ishte stërvitja e fundit në vendin tonë, pasi nesër skuadra do të udhëtojë drejt Varshavës, ku të enjten zhvillohet sfida.
Në seancën e sotme, trajneri Silvinjo kishte në dispozicion të gjithë 26 futbollistët, ndaj nuk pati nevojë për ndihma nga lojtarë të Superligës apo Kategorisë së Parë, siç ndodhi dje për të plotësuar numrin gjatë ushtrimeve.
Të gjithë futbollistët nisën seancën rregullisht dhe u përqendruan te puna taktike konkrete për duelin me Poloninë, një kundërshtari të njohur mirë nga ndeshjet e shpeshta në vitet e fundit, por që tani përballohet në një garë vendimtare.