Rruga nacionale Skrapar-Përmet ka pësuar dëmtime të rënda për shkak të rrëshqitjes së dheut. Asfalti është çarë në mes dhe një pjesë e rrugës është shembur në fshatin Rog Çepan, në afërsi të Përmetit. Kjo rrugë u përfundua në 2019 nga firma Salillari.
Që prej mbrëmjes së djeshme raportohet për çarjen e asfaltit në këtë aks. Në të njëjtën kohë, prej 3 orësh është e bllokuar hyrja në qytetin e Skraparit. Bllokimi ka ndodhur në fshatin Buzuq, ku masivë shkëmborë kanë rrëshqitur në rrugë.
Autoritetet po punojnë për heqjen e shkëmborëve nga aksi nacional. Ngjarja ka ndodhur në qarkun e Beratit.