Një grua e identifikuar si Christina Marie Plant është gjetur gjallë pas 32 vitesh nga zhdukja e saj në Star Valley, në verilindje të Phoenix, Arizona, SHBA. Ajo ishte parë për herë të fundit më 16 maj 1994, kur në moshën 13-vjeçare kishte lënë shtëpinë për të vizituar kalin e saj në një stallë.
Autoritetet e Arizonës kanë konfirmuar gjetjen e saj, por nuk kanë bërë publike detaje mbi rrethanat apo vendin ku u lokalizua. Zyra e sherifit theksoi se teknologjia ka luajtur rol kyç në nxjerrjen e provave të reja. Në deklaratën e tyre, thuhet se çështja mbeti e hapur gjatë viteve, me hetuesit që rishikonin periodikisht provat dhe kërkonin informacione të reja.
Në kohën e zhdukjes, rasti u klasifikua si “e dyshimtë” dhe Christina u konsiderua në rrezik. Fletëpalosje me foton e saj u shpërndanë në nivel lokal, shtetëror dhe kombëtar. Ato përshkruanin veshjen: bluzë të bardhë, pantallona të shkurtra shumëngjyrëshe dhe atlete të zeza. Ajo u regjistrua në bazat kombëtare të të dhënave për fëmijët e zhdukur.
Autoritetet kanë vendosur të mos publikojnë më tej detaje, nga respekti për privatësinë dhe mirëqenien e saj. Lajmi u raportua fillimisht nga New York Post dhe u ripublikua nga media shqiptare.