Një incident sigurie është regjistruar në Ngushticën e Hormuzit, ku një anije cisternë është goditur nga një mjet i paidentifikuar, duke shkaktuar dëmtime në dhomën e motorit. Lajmi u njoftua nga Organizata Britanike e Sigurisë Detare (UKMTO), e cila informoi se situata po monitorohet. Sipas njoftimeve, të gjithë anëtarët e ekuipazhit janë në gjendje të sigurt dhe nuk ka pasur raportime për viktima apo dëme mjedisore.
Autoritetet detare kanë nisur një vlerësim për të përcaktuar rrethanat e sakta të sulmit. Ndërsa shumica e mediave i referohen mjetit goditës si raketë, Balkan Web citon EOS Marine, e cila raporton se rasti po hetohet si një sulm i mundshëm me raketë ose dron. Për shkak të situatës, anijeve tregtare u është kërkuar të rrisin masat e sigurisë, duke përdorur monitorimin me radar dhe vëzhgimin vizual.
Ngushtica e Hormuzit mbetet një nyje kritike për transportin global të naftës dhe gazit. Zona është përfshirë prej kohësh nga tensione të larta pas fillimit të luftës së SHBA-së dhe Izrael-it ndaj Iran-it. Si pasojë e këtij konflikti, Irani ka bllokuar rrugët detare, ndërsa Amerika është kundërpërgjigjur me vendosjen e një bllokade në të gjitha portet iraniane.