Vlora Çitaku, anëtare e Kryesisë së Partisë Demokratike të Kosovës (PDK), ka reaguar ashpër ndaj deklaratave të kryeministrit Albin Kurti në Forumin Ekonomik Botëror në Davos.
Kurti ka pohuar se qeveria e tij ka qenë shembull dhe pa afera korruptive. Çitaku ka theksuar se disa ministra të Qeverisë Kurti janë nën aktakuzë dhe ka përmendur afera multimilionëshe, nga rezervat shtetërore deri te tregtia e energjisë, si dhe qindra milionë euro të dhëna në kontrata pa tender.
"Vendin në terr e ki. S’ka ekonomi, s’ka energji", ka shkruar ajo.
Sipas Çitakut, këto deklarata lehtësojnë personat e përfshirë në raste, si Nagip Krasniqi e Martin Berishaj, dhe ironizojnë pohimin se "gjithçka qenka e pastër". Ajo ka kritikuar edhe refuzimin e Kurtit për t’iu përgjigjur thirrjes së Prokurorisë, duke e cilësuar si mungesë shembulli dhe përgjegjësie.
Postimi i saj përfundon: "Kjo nuk është shembull. Kjo nuk është përgjegjësi. Gënjeshtra pa kripë. Keq, Albin. Shumë keq".