Çmimi i arit ka rënë me gati 10% këtë javë, duke e vendosur atë në rrugën e duhur për javën më të keqe në 43 vjet. Rënia totale që nga fillimi i luftës me Iranin ka arritur 13%, shkruan CNN.
Lufta me Iranin po i prish rrjedhat globale të naftës, duke dëmtuar infrastrukturën energjetike dhe duke rritur frikën për një konflikt të zgjatur në Lindjen e Mesme. Ari, i cili zakonisht konsiderohet strehë e sigurt gjatë periudhave të pasigurisë ekonomike, ka rënë ndjeshëm.
Në kohë trazirash, investitorët zakonisht blejnë ar për të mbrojtur vlerën nga inflacioni, dobësimi i monedhave apo krizat. Megjithatë, rritja e çmimeve të energjisë për shkak të konfliktit në Lindjen e Mesme po i shtyn bankat qendrore globale të rishqyrinë perspektivën për normat e interesit, çka ndikon drejtpërdrejt në çmimin e arit.
Trazirat kanë shkaktuar gjithashtu rimëkëmbje të dollarit amerikan dhe kanë shtyrë investitorët të rivlerësojnë zotërimet e tyre.