Grupi i punës i njohur si COELA është mbledhur sot në Bruksel për të diskutuar raportin IBAR për Shqipërinë. Gjatë takimit është vërejtur një përparim i kujdesshëm lidhur me pikat kryesore të këtij raporti.
Burimet raportojnë një optimizëm të matur për finalizimin e IBAR-it brenda mbledhjes së sotme. Në rast miratimi, dosja e Shqipërisë do t’i kalojë një grupi më politik të përbërë nga ambasadorët e vendeve anëtare të Bashkimit Europian.
Miratimi në nivel teknik konsiderohet hap thelbësor, pasi pas tij mund të caktohet data e Konferencës ndërqeveritare mes BE-së dhe Shqipërisë për vazhdimin e negociatave të anëtarësimit.