Në ndeshjen e mbrëmshme ndërmjet përfaqësueses së Kosovës dhe Turqisë në stadiumin Fadil Vokrri, tifozët e grupit Dardanët krijuan një atmosferë elektrizuese me koreografi dhe banera.
Dardanët shpalosën një baner të madh me mbishkrimin Victorious, së bashku me fotografitë e ish-krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi. Këta të fundit po përballen me proces gjyqësor në Hagë.
Baneri qëndroi i hapur gjatë gjithë ndeshjes dhe u shoqërua me brohoritje nga tifozët.
Para fillimit të ndeshjes, Dardanët kishin shpalosur një koreografi tjetër me mbishkrimin Dreamers, në mbështetje të lojtarëve të Kosovës. Tribunat ishin plot dhe entuziazmi arriti kulmin, duke krijuar një spektakël vizual.
Ndeshja është vendimtare për Kosovën në garën për një vend në Kupën e Botës.