Departamenti Amerikan i Shtetit (DASH) ka përditësuar këshillat e udhëtimit për qytetarët amerikanë në mbarë botën. Këto udhëzime ndihmojnë në planifikimin e udhëtimeve duke identifikuar rreziqet e sigurisë dhe masat mbrojtëse të nevojshme.
Në rajonin e Ballkanit, Shqipëria, Kosova dhe Serbia renditen në Nivelin 2, ku rekomandohet ushtrimi i kujdesit të shtuar. Maqedonia e Veriut dhe Mali i Zi janë në Nivelin 1, niveli më i ulët, ku mjafton ndjekja e masave të zakonshme të sigurisë.
Irani klasifikohet në Nivelin 4 me rekomandimin "mos udhëtoni", për shkak të rreziqeve nga terrorizmi, trazirat civile, rrëmbimet, arrestimet arbitrare dhe ndalimet e padrejta të qytetarëve amerikanë.
Vende të tjera si Arabia Saudite, Omani, Kuvajti dhe Bahreini renditen në nivelin 2 ose 3, nga "ushtroni kujdes të shtuar" deri te "rishikoni udhëtimin".
Vendet e Nivelit 1
Niveli 1 përfshin destinacione ku praktikohen masat paraprake të zakonshme. Midis tyre:
• Bullgaria, Greqia, Kroacia
• Republika e Maqedonisë së Veriut, Mali i Zi
• Argjentina, Australi, Austri, Kanada, Japoni
• Dhe të tjera si Andorra, Anguilla, Barbados, Bermuda, Brunei.
Përditësimi reflekton tensionet globale, përfshirë zhvillimet në Iran, dhe autoritetet amerikane këshillojnë informim të plotë para udhëtimeve ndërkombëtare.
Përditësime
Departamenti i Shtetit i SHBA-së (DASH) ka renditur Korenë e Veriut, Irakun, Libanin, Russinë, Bjellorusinë dhe Afganistanin në Nivelin 4 të këshillave për udhëtimet.
Ka zgjeruar Nivelin 3 me Izraelin, Qipron dhe Katarin; Arabia Saudite kaloi nga niveli 2 në 3.
Bosnja dhe Turqia u vendosën në Nivelin 2.
Sllovenia dhe Rumania u renditën në Nivelin 1, së bashku me vende të tjera.