Daut Haradinaj, ish-deputet i Aleancës dhe ish-komandant i UÇK-së, kujtoi Skënder Rexhahmetajn, të njohur si Komandant Kulla, në 14-vjetorin e ndarjes së tij nga jeta.
Në një postim në Facebook, Haradinaj e cilësoi Rexhahmetajn si një nga burrat më të mirë të Isniqit. Ai vlerësoi qëndresën, vizionin për çlirim dhe ndershmërinë e tij.
“Skënder Rexhahmetaj përfaqësonte sinonimin e kullave të Isniqit e Dukagjinit për qëndresën dhe vizionin e tij për çlirim. Edhe pse vitet kalojnë, kujtimi për vlerat dhe ndershmërinë e tij mbetet i freskët për këtë burrë të Dukagjinit”, shkroi Haradinaj.