Në 17 shkurt 2026, Dega e Doganës Durrës ka kryer një kontroll fizik në ambientet e një subjekti tregtar të pajisur me autorizim për përdorimin e Regjimin të Përpunimit Aktiv. Gjatë verifikimit, punonjësit e doganës kanë konstatuar dhe bllokuar sasi mielli që i kishte kaluar afatin e përdorimit.
Sasitë e bllokuara përfshijnë:
• 2.500 kg miell orizi, me datë skadence 1 prill 2025;
• 5.150 kg miell për pica, me datë skadence 7 prill 2025.
Në total, bëhet fjalë për 7.650 kg miell të papërshtatshëm për konsum.
Dogana e Durrësit ka nisur procedurat përkatëse në bashkëpunim me strukturat e Autoritetit Kombëtar të Ushqimit, deri në asgjësimin e plotë të mallit, në përputhje me kompetencat ligjore.
Drejtoria e Përgjithshme e Doganave thekson angazhimin për zbatimin e ligjshmërisë dhe nxit operatorët ekonomikë të respektojnë detyrimet, për të garantuar sigurinë ushqimore dhe mbrojtjen e konsumatorëve.