Delegacioni i BE-së reagon për ndryshimet në Ligjin për portet turistike

Delegacioni i Bashkimit Evropian në Shqipëri shprehu më 15 prill 2026 qëndrimin e tij në lidhje me ndryshimet në Ligjin "Për portet turistike në Republikën e Shqipërisë", të miratuara nga Kuvendi më 9 prill me 76 vota pro nga mazhoranca socialiste.

Në deklaratën e dhënë për media si Report TV, Top Channel, 27.al dhe News24, Delegacioni i BE-së njoftoi se ndryshimet do të vlerësohen nga afër nga shërbimet përkatëse, veçanërisht në fushën e prokurimit publik dhe përputhshmërinë me legjislacionin e BE-së.

Sipas reagimit, legjislacioni europian kërkon procedura transparente dhe konkurruese për dhënien e koncesioneve, përfshirë edhe për portet turistike. Ndryshimet hapin rrugë investitorëve strategjikë për të ndërtuar porte pa procedurën e koncesionit.

BE vë në dukje se teksti i ri përfshin dispozita nga Ligji për Investitorët Strategjikë, i cili pritet të shfuqizohet si pjesë e Agjendës së Reformave dhe kushteve përmbyllëse për Kapitullin 27 në procesin e integrimit evropian.

Delegacioni thekson se Shqipëria duhet të përmbahet nga angazhimet e marra dhe të shmangë çdo hap që bie ndesh me to. Deklarata e plotë është si vijon:

“Ne jemi në dijeni se Parlamenti miratoi ndryshime në Ligjin "Për portet turistike në Republikën e Shqipërisë". Ndryshimet do të duhet të vlerësohen nga afër nga shërbimet tona, veçanërisht në fushën e prokurimit publik dhe përputhshmërinë e tyre me legjislacionin e BE-së, i cili kërkon procedura transparente dhe konkurruese për dhënien e koncesioneve, përfshirë edhe për portet. Gjithashtu kuptojmë se teksti i ri përfshin dispozita të pranishme në Ligji për Investitorët Strategjikë. Ky është një ligj që Shqipëria pritet ta shfuqizojë si pjesë e hapave të Agjendës së Reformave dhe në kuadër të kushteve përmbyllëse për Kapitullin 27. Shqipëria duhet të përmbahet nga çdo hap që bie ndesh me këto angazhime.”