Komiteti Disiplinor i Federatës së Futbollit të Turqisë vendosi të premten dënime për dy futbollistët e përjashtuar me karton të kuq pas derbit të Stambollit mes Galatasarayt dhe Fenerbahces. Mbrojtësi i majtë i Fenerbahces, Archie Brown, u pezullua për tri ndeshje, ndërsa qendërmbrojtësi i Galatasarayt, Abdulkerim Bardakci, do të mungojë në dy ndeshjet e ardhshme.
Dënimet u shpallën pas përplasjes mes lojtarëve të dy skuadrave, e cila ndodhi të hënën, menjëherë pas përfundimit të derbit. Galatasaray e fitoi ndeshjen me rezultatin 2-1. Pas sinjalit përfundimtar të gjyqtarit, situata u përshkallëzua dhe ndërhyri Policia për të qetësuar lojtarët.
Gjyqtari përjashtoi Brownin dhe Bardakcin me kartonë të kuq. Roland Sallai i Galatasarayt dhe Kerem Akturkoglu i Fenerbahces u ndëshkuan me kartonë të verdhë.
Federata vendosi gjithashtu gjoba financiare për të dy klubet. Galatasaray duhet të paguajë rreth 38 mijë e 50 euro, ndërsa gjoba për Fenerbahcen është afërsisht 23 mijë euro.
Pas nëntë xhirove të Superligës turke, Galatasaray kryeson renditjen me 22 pikë. Fenerbahce renditet në vendin e pestë me 16 pikë. Galatasaray ka fituar katër edicionet e fundit të kampionatit.