Në fshatin Qerim të Gjakovës funksionon deponia e grumbullimit të qelqit, e cila e kthen mbeturinën në burim ekonomik përmes riciklimit. Qytetarët e rrethit të Gjakovës mund ta dërgojnë qelqin në këtë deponi. Ambientalisti Dukagjin Berisha, pronar dhe menaxher i qendrës, thekson bashkëpunimin e mirë me banorët dhe bizneset e kësaj komune, si dhe të komunave përreth.
Kjo deponi ofron përfitime ekonomike dhe ndihmon në ruajtjen e një ambienti më të pastër. Dukagjin Berisha shpjegon se aktualisht punësohen 6 punëtorë, por pranvera pritet të sjellë rritje në 10 punëtorë për shkak të volumnit të punës. Ai shprehet i befasuar nga përkrahja e madhe e banorëve dhe bizneseve, të cilat e ndajnë qelqin si lëndë të parë për riciklim.
"Momentalisht jemi 6 punëtorë, por si duket këtë pranverë kemi shumë punë kështu që do ta rrisim numrin deri në 10 punëtorë. Jam befasuar shumë për të mirë sepse kam gjetur përkrahje të madhe në banorë", tha Dukagjin Berisha.
Afaristi Fatmir Binaku konfirmon bashkëpunimin e suksesshëm. Ai dërgon rregullisht mbetjet e xhamit në deponi, ku merr arka bosh dhe kthen ato të mbushura. Kjo zgjidh problemin e mbeturinave të xhamit, të cilat nuk pranohen as në natyrë, e as nga kompania Çabrati.
"Prej që ka fillu me punu Dukagjini unë mbetjet e xhamit ia përcjelli gjithmonë. Është një e mirë e dyanshme", u shpreh Fatmir Binaku.
Përditësime
Dukagjin Berisha shton se njerëzit që e njohin kanë filluar të ndihmojnë menjëherë, pasi u pëlqeu ideja.
Bizneset ndajnë qelqin si lëndë të parë për riciklim, krijim biznesi dhe punësim.
Fatmir Binaku shpjegon procesin e arkave: i sjell arkët bosh, i mbushin ato, i merr vetë të mbushura dhe kthen boshat.