Gazment Bardhi, kryetar i grupit parlamentar të Partisë Demokratike, Fatmir Mediu, kryetar i Partisë Republikane, Jorida Tabaku, kryetare e Komisionit për të Drejtat e Njeriut, dhe deputetja Albana Vokshi zhvilluan një takim në Uashington me kongresmenin amerikan Michael R. Turner.
Turner ka drejtuar për një kohë të gjatë Komitetin e Inteligjencës në Kongresin e Shteteve të Bashkuara të Amerikës.
Gjatë takimit, deputetët e opozitës theksuan nevojën për forcimin e partneritetit strategjik mes Shqipërisë dhe SHBA-së. Sipas tyre, Shqipëria e ka jetike përkushtimin ndaj prioritetit të Presidentit Trump për luftë pa kompromis kundër krimit të organizuar, karteleve të drogës dhe bashkëpunëtorëve të tyre.
Ata ndanë me kongresmenin Turner shqetësimet në lidhje me këtë prioritet strategjik, si dhe pasojat që, sipas pikëpamjes së tyre, bashkëqeverisja me krimin e organizuar ka për Shqipërinë dhe aleancën strategjike me SHBA-në.