Në Gjykatën e Posaçme u zhvillua më 6 mars 2026 seanca e radhës ndaj kryetarit të Bashkisë Vau i Dejës, Kristian Shkreli. SPAK ka ngritur ndaj tij akuzën për korrupsion aktiv në zgjedhje. Prokuroria e Posaçme vijoi me pyetjen e dëshmitarëve.
Dëshmia e Martin Tomës
Martin Toma, elektricist në OSHEE Vau i Dejës, dëshmoi se ka dijeni pjesërisht për remontin në lagjen Stajkë, ku rrjeti ishte i amortizuar. Drejtuesit e OSHEE-së, përfshirë shefin e teknikës Jetmir Deda, i urdhëruan të punonin atje. Punimet përfshinin demontim, hapje gropash, vendosje shtyllash dhe kabllosh. Materialet erdhën me makinat e OSHEE-së dhe fatura përkatëse. Përdorej një fadromë për gropat, por Toma nuk di nëse ishte private apo shtetërore.
Dëshmia e Leorenc Pjetrës
Leorenc Pjetra, specialist urbanistike në Bashkinë Vau i Dejës dhe ish-drejtor i Shërbimeve Publike, konfirmoi dijeni për linjë elektrike në fshatin Stajkë, të mësuar nga një portal. Punimet u kryen në shkurt-mars 2025. Ai nuk kujton telefonatë nga Shkreli për këtë rast, ndonëse kishin komunikime të shpeshta për kanale vaditëse ose kulluese. Kërkesë për fadromë erdhi nga drejtuesi i OSHEE-së, për shtetasin Kastriot në heqjen e shtyllave.
Dëshmia e Franga Kolajt
Franga Kolaj, banore në Laç të Vau i Dejës, dëshmoi se Tom Doshi e kishte ndihmuar kur burri i saj ishte sëmurë. Fëmijët i thanë të votonte Doshin si detyrim moral. Ajo theksoi se Shkreli nuk i kishte thënë kurrë të votonte Doshin në kuadër të shpërblimeve. Prokurori lexoi një bisedë të përgjuar mes Kolajt dhe Shkrelit në lidhje me çështjen.