Skuadra e Dinamo City, nën drejtimin e trajnerit Ilir Daja, arriti një kualifikim të rëndësishëm në raundin e dytë të UEFA Conference League, pasi triumfoi ndaj Astanas në ndeshjen e kthimit të zhvilluar në “Astana Arena”. Humbja e ndeshjes së parë me rezultatin 1-0 u shlye nga fitorja 4-1 në transfertë.
Ndeshja nisi me vështirësi për ekipin shqiptar, pasi vendasit kaluan në avantazh në minutën e 23-të me anë të një penalltie të shndërruar nga Kažukolovas. Situata ndryshoi në fillim të pjesës së dytë, kur Kažukolovas u ndëshkua me kartonin e dytë të verdhë në minutën e 49-të, duke e lënë Astanan me 10 lojtarë. Në minutën e 50-të, Bruno Dita barazoi shifrat nga pika e bardhë, ndërsa Hekuran Berisha shënoi golin e dytë në minutën e 62-të, pas asistit të Manellarit, duke barazuar rezultatin e përgjithshëm.
Sfida shkoi në kohën shtesë, ku Dinamo City realizoi dy gola të tjerë për të vulosur kualifikimin. Goli i tretë u shënua nga Lorenco Vila në minutën e 93-të (asistuar nga Ismaili), ndërsa goli i katërt erdhi në minutën e 124-të nga Komani. Skuadra shqiptare pret tani përballjen me fituesin e çiftit midis Sheriff Tiraspol dhe NK Aluminij.
Përditësime
Pas kualifikimit historik në Conference League, ku eliminoi Astanan, Dinamo City ka siguruar një shpërblim prej 700 mijë eurosh nga UEFA. Në raundin e radhës, ekipi do të përballet me humbësin e çiftit Sheriff Tiraspol - NK Aluminij, pas barazimit 0-0 në ndeshjen e parë të tyre në Europa League.