Sot, Forca e Sigurisë së Kosovës shënon një moment të rëndësishëm me ceremoninë solemne të diplomimit të kadetëve të gjeneratës 2026. Aktiviteti po zhvillohet në Sallën e Sporteve brenda kazermës “Adem Jashari” në Prishtinë, me fillim nga ora 10:00.
Në ceremoni janë të pranishëm drejtuesit më të lartë të shtetit, përfaqësues të institucioneve të sigurisë, si dhe mysafirë të tjerë vendorë e ndërkombëtarë. Programi përfshin nderime ushtarake, parakalim ceremonial të kadetëve dhe fjalime nga krerët institucionalë, të cilët vlerësojnë përkushtimin dhe përgatitjen e oficerëve të rinj.
Diplomimi shënon përfundimin me sukses të programit të përgatitjes profesionale dhe ushtarake për këta kadetë. Pas zyrtarizimit të sotëm, ata do të angazhohen drejtpërdrejt në radhët e FSK-së, duke kontribuar në përmbushjen e misionit të forcës dhe në forcimin e kapaciteteve mbrojtëse të vendit.