Skuadra e Dukagjinit ka regjistruar fitoren e parë sezonale në Albi Mall Superligën e Kosovës, pasi mposhti Feronikelin ’74 me rezultatin minimal 1-0. Ndeshja, e cila u zhvillua në stadiumin “18 Qershori” në Klinë, hyri në histori si takimi i parë që zhvillohet në këtë impiant nën ndriçimin e reflektorëve.
Fillimisht, dueli ishte planifikuar të niste në orën 16:30, por orari u ndryshua për t’u zhvilluar në mbrëmje, duke nisur në orën 19:00. Futbollisti Jeudi Stevenson u shndërrua në protagonistin e mbrëmjes, duke shënuar golin e vetëm të sfidës në minutën e 18-të.
Pas këtij rezultati, Dukagjini arrin kuotën e katër pikëve në tabelë, pas barazimit 0-0 në javën e parë kundër Drenicës. Në anën tjetër, Feronikeli ’74 regjistron humbjen e dytë radhazi, pasi më herët ishte mposhtur nga Gjilani.
Trajnerët Armend Dallku dhe Elon Berisha aktivizuan këta lojtarë:
- Dukagjini: Haxhihamza, Bardhoku, Basri, Sinani, Bytyqi, Hugo, Gashi, Rexhaj, Zulfiji, Stevenson, Isufi.
- Feronikeli ’74: Odyntsov, Musa, Halili, Thaqi, Prodani, Taipi, Baholli, Shabani, Zogu, Prapashtica, Drljo.