Dy aksidente trafiku u regjistruan më 24 tetor në rajonin e Tetovës, ku u lënduan disa persona. Në të dyja rastet, drejtuesit e automjeteve ishin nën ndikimin e alkoolit, njoftoi Ministria e Punëve të Brendshme.
Rreth orës 22:20, në bulevardin „Vidoe Smilevski Bato” në Tetovë, një automjet BMW me targa të Tetovës, i drejtuar nga D.S., 42 vjeç, nga Tetova, goditi tre të mitur 16-vjeçarë, të gjithë nga Tetova. Pas aksidentit, shoferi u largua nga vendi i ngjarjes, por policia e gjeti dhe e ndaloi pak më vonë në rrugën „Nikolla Tesla”.
Testi tregoi se ai kishte 2,22 promilë alkool në gjak. Gjatë kontrollit të automjetit u gjetën edhe tri paketime me marihuanë. Shoferi u privua nga liria dhe automjeti u konfiskua. Njëri nga të miturit pësoi lëndime të rënda trupore, ndërsa dy të tjerët morën lëndime trupore. Lëndimet u konstatuan në Spitalin Klinik të Tetovës.
Aksidenti i dytë ndodhi rreth orës 04:10 në fshatin Pirok, në Komunën e Bogovinës. Një automjet Volkswagen Polo, i drejtuar nga D.M., 19 vjeç, nga Piroku, goditi një shtyllë betoni të një shtëpie dhe vitrinën e një objekti në pronësi të një banori 45-vjeçar të fshatit.
Tre pasagjerë, me inicialet A.R., A.M. dhe A.R., pësuan lëndime të rënda trupore. Një pasagjer tjetër, E.K., si dhe shoferi, morën lëndime trupore. Të lënduarit u trajtuan në Qendrën Emergjente pranë Spitalit Klinik të Tetovës.
Kontrolli policor konstatoi se shoferi 19-vjeçar kishte 1,29 promilë alkool në gjak dhe nuk kishte leje drejtimi. Edhe ai u privua nga liria. Ekipet e SPB-së Tetovë kryen këqyrjen e vendngjarjeve. Sipas Ministrisë së Punëve të Brendshme, pas dokumentimit të plotë të rasteve ndaj shoferëve do të parashtrohen kallëzime përkatëse.