Ngjarja ndodhi pranë Komisariatit nr. 3 në Tiranë. Dy të arrestuarat janë motra me njëra-tjetrës, sipas raportimit të gazetjares Xhensila Kodra.
Efektivja, një agjente krimesh, ishte e veshur civil, pa uniformë, dhe po kalonte rrugën për të shkuar në komisariat. Në atë moment, motrat kalonin me makinë dhe filluan ta ofendonin pse nuk shihte rrugën.
Më pas, motrat parkuan makinën dhe i zunë pritë efektives pak para hyrjes në komisariat. Ajo i paralajmëroi që të mos e preknin, duke thënë «Mos më prekni, jam police!», por motrat nuk iu besuan.
Mësohet se motrat i thanë: «O qorre, nuk sheh ti kur kalojmë ne? Kë gënjen ti?». Fillimisht, konflikti ishte verbal, por më pas kaloi në dhunë fizike ndaj efektives.
Punonjësit e Komisariatit nr. 3 ndërhynë për të qetësuar situatën. Motrat u arrestuan pas kësaj ndërhyrjeje.