Policia e Tiranës arrestoi shtetaset M. A., 38 vjeçe, dhe R. A., 29 vjeçe, për ushtrimin e dhunës ndaj një oficereje policie në krye të detyrës.
Ngjarja ndodhi në hyrje të ambienteve të Komisariatit Nr. 3 në Tiranë. Sipas njoftimit zyrtar, të dyshuamet hynë në ambientet e komisariatit dhe goditën oficeren.
Specialistët për Hetimin e Krimeve të Komisariatit Nr. 3 kryen arrestimin.
Një burim raporton se oficerja po shoqëronte dy shtetaset në momentin e ngjarjes.
Materialet procedurale iu referuan Prokurorisë së Tiranës për veprime të mëtejshme. Rrethanat e plota të incidentit nuk janë bërë ende të njohura.