Shërbimet e Komisariatit të Policisë Nr. 6 në Tiranë finalizuan operacionin e koduar “Signals”, si rezultat i të cilit u zbuluan dy dyqane ku shiteshin në kundërshtim me ligjin fenelina dhe pajisje të tjera si ato që përdor Policia.
Në kuadër të këtij operacioni u arrestuan në flagrancë shtetasit Xhoni Troka, 23 vjeç, dhe Hekuran Leka, 41 vjeç, të dy banues në Tiranë.
Gjatë kontrollit në dyqanet e këtyre shtetasve, të vendosura në rrugën “Konferenca e Pezës”, shërbimet e Policisë gjetën dhe sekuestruan dhjetëra fenelina dhe pajisje të tjera si të Policisë.
Shtetasit nuk dispononin dokumentacion mbi origjinën e këtyre artikujve, as autorizimin përkatës për mbajtjen dhe tregtimin e tyre.
Materialet procedurale iu referuan Prokurorisë për veprime të mëtejshme.
Operacioni u zhvillua në vijim të kontrolleve dhe punës hetimore për evidentimin dhe goditjen e paligjshmërive, bazuar në informacione të siguruara në rrugë operative.