Dy ushtarakë shqiptarë, nëntetari Marjus Cauli dhe ushtari IV Hambel Peçi, fituan në kategoritë e tyre në garën Best Warrior të Gardës Kombëtare të Ushtrisë së Nju-Xhersit për vitin 2026.
Ambasada e Shteteve të Bashkuara në Tiranë njoftoi se gara u zhvillua gjatë katër ditëve dhe përfshiu kurse me pengesa, prova të aftësisë fizike, aftësi luftarake në ujë, orientim në terren dhe ushtrime qitjeje me sisteme të ndryshme armësh.
Pjesëmarrja e ushtarakëve shqiptarë ndodhi në kuadër të Programit të Partneritetit Shtetëror mes Gardës Kombëtare të Nju-Xhersit dhe Forcave të Armatosura të Shqipërisë, i cili këtë vit shënon 25-vjetorin e krijimit.