Një 20-vjeçare nga fshati Damanek i Malishevës ka humbur jetën tragjikisht si pasojë e një aksidenti trafiku në Gjermani. Viktima është identifikuar si Rina Safet Krasniqi.
Lajmi është bërë i ditur përmes një njoftimi mortor të publikuar nga faqja e fshatit Damanek në rrjetin social Facebook. Në njoftim thuhet se familja do të njoftojë më vonë në lidhje me kohën dhe vendin e ceremonisë së varrimit.
Deri në këto momente, rrethanat në të cilat ka ndodhur aksidenti tragjik nuk janë bërë ende të ditura nga autoritetet përkatëse. Ngjarja është raportuar fillimisht nga mediat lokale të Malishevës, pas konfirmimit nga burimet familjare dhe faqja zyrtare e fshatit.